СЭЛЭНГЭ АЙМГИЙН ТҮШИГ, ЗҮҮНБҮРЭН СУМДААС СОНГОГДСОН ШҮҮХИЙН ИРГЭДИЙН ТӨЛӨӨЛӨГЧ НАРТАА ЦАХИМ СУРГАЛТЫГ ТУС ШҮҮХИЙН ТАМГЫН ГАЗРААС ЗОХИОН БАЙГУУЛЛАА.

Автор: Бодгоо от 12-04-2016, 15:17

Сэлэнгэ аймаг дахь Сум дундын эрүү, иргэний хэргийн анхан шатны шүүхүүд нь Сэлэнгэ аймгийн Алтанбулаг, Зүүнбүрэн, Ерөө, Түшиг, Шаамар, Хүдэр, Жавхлант, Цагааннуур, Хушаат, Сүхбаатар зэрэг 10 сум, Дулаанхаан, Бугант тосгонуудыг хариуцан, харин Захиргааны хэргийн анхан шатны шүүх нь Сэлэнгэ аймгийн Засаг захиргаа, нутаг дэвсгэрийн бүх нэгжийг харъяалан шүүн таслах ажиллагаа явуулдаг билээ. 
Шүүхийн ерөнхий зөвлөлөөс баталсан 145 иргэдийн төлөөлөгчийн 80 буюу 55.2 хувь нь Сэлэнгэ аймгийн төв болох Сүхбаатар сумаас, 65 буюу 44.8 хувь нь бусад 9 сум, 2 тосгоноос сонгогдсон байна. 
Харин Сэлэнгэ аймгийн Түшиг сумаас 4, Зүүнбүрэн сумаас 4 иргэдийн төлөөлөгч тус бүр сонгогдсон бөгөөд дээрх сумдын Хууль, эрх зүйн ажилтнуудтай хамтран цахим сургалтыг 2016 оны 04 дүгээр сарын 12-ны өдөр амжилттай зохион байгууллаа. 
Сургалтыг шүүхийн зохион байгуулалт хариуцсан мэргэжилтэн Б.Болор-Эрдэнэ удирдан явуулж, шүүхийн иргэдийн төлөөлөгчөөр сонгогдсон иргэдэд "Шүүхийн иргэдийн төлөөлөгчийн эрх зүйн байдлын тухай” хууль, "Шүүхийн иргэдийн төлөөлөгчийг сонгон шалгаруулах, ажиллуулах журам”, түүнд оруулсан өөрчлөлт, "Шүүхийн иргэдийн төлөөлөгчийн тангараг өргөх журам”, болон "Шүүхийн иргэдийн төлөөлөгчид хөлс олгох журам”-ын талаар мэдээлэл өгч, иргэдийн төлөөлөгч нарын сонирхсон асуултанд хариулан, иргэдийн төлөөлөгчид зориулсан нугалбар материалыг сумдын Хууль, эрх зүйн ажилтнуудаар дамжуулан тарааж, сургалт амжилттай болж өндөрлөв.

 

 

/Сэлэнгэ аймгийн Түшиг сумаас сонгогдсон иргэдийн төлөөлөгч нар/

 

 

/Сэлэнгэ аймгийн Зүүнбүрэн сумаас сонгогдсон иргэдийн төлөөлөгч/

 

СЭЛЭНГЭ АЙМАГ ДАХЬ ШҮҮХИЙН ТАМГЫН ГАЗАР

Шүүхийн Ерөнхий Зөвлөлийн мэдээлэл

Зургийн цомог